Hér má finna helstu áfangastaðina, fyrir aðra áfangastaði endilega hafið samband.
Hesteyri
Hesteyri í Jökulfjörðum er dásamlegt þorp sem fór í eyði 1952.
Við bjóðum upp á áætlunarferðir til Hesteyrar og kaffiferðir með leiðsögn þar sem stoppað er í gamla læknishúsinu í dýrindis kruðerí hjá Hrólfi Vagnssyni. Yndisleg dagsferð á Hesteyri þar sem tíminn hefur staðið kyrr síðan íbúar fluttust úr sveitinni.
![](https://sjoferdir.is/wp-content/uploads/2022/04/20210526_203047-1024x576.jpg)
Bókaðu ferðina Til Hesteyrar Hér.
Bókaðu ferðina frá Hesteyri Hér.
Bókaðu dagsferð á Hesteyri Hér.
Einni er boðið uppá dagsgöngu milli Aðalvíkur og Hesteyrar. Frábær dagsferð til að komast í kynni við hina stórbrotnu náttúru Hornstranda. Gengið er yfir á Hesteyri frá Sæbóli í Aðalvík á þriðjudögum, en frá Hesteyri yfir að Látrum í Aðalvík á laugardögum. Útsýnið er tilkomumikið en vel sést um Djúp og Jökulfirði. Gangan er 14 km með 400 m hækkun. Um er að ræða fremur létta göngu sem hentar öllum í sæmilegu formi. Mikilvægt að vera vel útbúinn í góðum gönguskóm. Á leiðinni þarf að vaða litla á svo vaðskór geta komið sér vel. Myndavélin er líka ómissandi í þessari ferð.
Bókaðu gönguferð frá Hesteyri til Látra í Aðalvík Hér.
Bókaðu gönguferð frá Sæból Aðalvík til Hesteyrar Hér
![](https://sjoferdir.is/wp-content/uploads/2020/11/20170621_144035-1024x768.jpg)
![](https://sjoferdir.is/wp-content/uploads/2020/11/20170806_155729-1024x576.jpg)
Vigur, Perlan í djúpinu
Kaffiferð í Vigur er fastur punktur í tilverunni og ekkert sem nokkur ætti að missa af. Í VIgur er dásamlegt fuglalíf, lundar, æðarkollur, blikar, kríur og lengi mætti telja.
Þar er einnig minnsta pósthús landsins og elsta mylla landsins.
Í Vigurferðunum er innifalin leiðsögn um eyjuna og kaffiveitingar að leiðsögn lokinni.
Bókaðu Vigurferðina þína Hér.
![](https://sjoferdir.is/wp-content/uploads/2020/11/391464_319981494761889_515797454_n.jpg)
![](https://sjoferdir.is/wp-content/uploads/2020/11/20170816_155729-1024x576.jpg)
Aðalvík
Aðalvík er einn mest sótti staður friðlandsins af íslendingum, en þar safnast saman á sumrin afkomendur ábúenda og fyrrum ábúendur. Þar eru 2 smá þorp, Látrar og Sæból.
Áætlun til Aðalvíkur byrjar seinnihluta maí og er fram til miðjan september.
Bókaðu ferðina Til Aðalvíkur Hér.
Bókaðu ferðina Frá Aðalvík Hér.
![](https://sjoferdir.is/wp-content/uploads/2020/11/20180619_103323-1024x576.jpg)
![](https://sjoferdir.is/wp-content/uploads/2020/11/13934756_1087635741329790_9044649061563976570_n.jpg)
Hornvík
Hornvík er af mörgum talin fallegasti staður landsins, enda umvafin stórfenglegum fuglabjörgum (Hælavíkurbjarg og Hornbjarg).
Áætlun er til Hornvíkur tvisvar sinnum í viku, fimmtudögum og sunnudögum. Á fimmtudögum bjóðum við einnig uppá dagsferð með leiðsögn. Þá er stoppað í um það bil 6 klst og gengið framá Núp, með Ystadal og uppá Miðfell, þaðan liggur leiðin niður að Svaðaskarði og í Miðdal, einstök náttúrufegurð og kyrrð þar sem tilvalið er að skella sér í fótabað í Miðdalsvatni áður en haldið er niður Hestagötuna og um borð í bátinn aftur.
Ef aðstæður leyfa er oftar en ekki siglt um Súlnastapa en þar frábært útsýni upp Hælavíkurbjargið, á Langakamb og einstaka fuglalífið þar í kring
Bókaðu ferðina til Hornvíkur Hér.
Bókaðu ferðina frá Hornvík Hér.
Bókaðu Dagsferð í Hornvík Hér.
![](https://sjoferdir.is/wp-content/uploads/2020/11/20170810_131220-1-1024x576.jpg)
![](https://sjoferdir.is/wp-content/uploads/2020/11/20170810_135123-1024x576.jpg)
![](https://sjoferdir.is/wp-content/uploads/2020/11/20170810_165616-1024x576.jpg)
Veiðileysufjörður
Veiðileysufjörður er einn af vinsælustu stöðunum til að hefja eða ljúka göngu á Hornströndum. Veiðileysufjörður er 8 km að lengd og stærstur Jökulfjarða.
Algengt er að ganga úr Veiðileysu og yfir í Hornvík og er talað um að gangan sé 4-6klst.
í Veiðileysu er lítið tjaldsvæði og salernisaðstaða.
Bókaðu ferðina þína til Veiðileysufjarðar Hér.
Bókaðu ferðina þína frá Veiðileysufirði Hér.
![](https://sjoferdir.is/wp-content/uploads/2021/02/veidileysa.jpg)
Hvalaskoðun
Sjóferðir Bjóða uppá hvalaskoðun í hinu margfræga og dásamlega Ísafjarðardjúpi
í djúpinu er mjög af hnúfubak og fuglalífið auðvitað stórkostlegt á góðum degi
við erum með áætlun og bjóðum líka uppá sérferðir í hvalaskoðun
bókaðu í áætlun Hér.
Til að bóka sérferð hafðu samband í síma 866-9650 eða sjoferdir@sjoferdir.is
![](https://sjoferdir.is/wp-content/uploads/2023/02/Screenshot_20221102-161233_Gallery-1024x473.jpg)
![](https://sjoferdir.is/wp-content/uploads/2023/02/Screenshot_20221102-161246_Gallery-1024x473.jpg)
![](https://sjoferdir.is/wp-content/uploads/2023/02/Screenshot_20221102-161531_Gallery-1024x473.jpg)
Mikið fleiri áfangastaðir eru í boði í okkar áætlun.
Hægt er að hafa samband vegna sérferða fyrir hópa, vinnuferðir í hús og fleira.
Stígur Berg Sophusson 866-9650 eða sjoferdir@sjoferdir.is