žrišjudagurinn 1. janśar 2013

Miklar annir um įramótin

Í dag fór Ingólfur með viðgerðarmann frá Vodafone inní Ögur til að koma rafmagni á GSM sendi og Tetra endurvarpa þar. Blíðuveður var þar eftir óveður helgarinnar.

Í gær náðum við í restina af strandaglópum inn í Súðavík og því búið að vera nóg um að vera um áramótin.

 

Allt í allt voru fluttir 76 einstaklingar frá Súðavík til Ísafjarðar sem voru strandaglópar þar vegna veðurs.  Allir komust til síns heima fyrir áramótin til þess að fagna með fjölskildum sínum.

föstudagurinn 28. desember 2012

Ingólfur sękir faržega til Sśšavķkur

Fólksflutningabáturinn Ingólfur,  er þessa stundina á siglingu inn Álftafjörð til að sækja ríflega 30 einstaklinga sem þar eru strandaglópar. Fólkið kom akandi til Vestfjarða í dag en er stopp í Súðavík þar sem Súðavíkurhlíð og Kirkjubólshlíð eru lokaðar vegna snjóflóða. Áætlað er að Ingólfur komi aftur til Ísafjarðar kl. 18:00-18:30. Mjög slæmt sjólag er í Ísafjarðardjúpi enda norðaustan 8 vindstig.  Súðavíkur- og Kirkjubólshlíðum hefur verið lokað og er þetta eini möguleikinn til þess að koma fólki til síns heima.
sunnudagurinn 23. desember 2012

Jóla- og nżįrskvešjur

Sjóferðir, starfsfólk og stjórnendur óska viðskiptavinum sínum, svo og landsmönnum öllum innilega gleðilegra jóla og farsældar á komandi árum, með þökk fyrir viðskiptin á þeim liðnu.  Sjáumst hress á komandi ári.

žrišjudagurinn 24. jślķ 2012

Allir hafa fariš heim meš bros į vör

bb.is | 24.07.2012 | 15:02

Aðstæður eru orðnar nokkuð góðar á Hornströndum eftir veðurham síðustu helgar. „Það var býsna blautt, mikið vatn í ánum og sumar þeirra flæddu yfir bakka sína. Nú hefur sjatnað í þeim og flestar orðnar færar á ný. Fólk fer samt varlega í dag," segir Jónas Gunnlaugsson, annar tveggja landsvarða á Hornströndum. Jónas segir að veðrið um helgina hafi ekki haft mikil áhrif á svæðinu. „Það voru ekki margir á svæðinu, sumir höfðu flýtt för sinni á laugardag og það var náð í fólk í Veiðuleysufjörð í gær sem hafði gengið frá Hornvík. Þau voru orðin vel blaut og köld þegar þau komu í bátinn," segir Jónas.

Jónas segir að í flestum tilfellum sé fólk viðbúið ýmsum aðstæðum er það kemur til Hornstranda enda víða ekki í nein hús að vernda og allra veðra von. Hann segir að töluvert hafi verið af fólki í júlí. „Það er hluta veðrinu að þakka sem hefur verið frábært. Það er mun hærra hlutfall af útlendingum sem fara í gönguferðir um Hornstrandir. Íslendingar hafa einnig verið mikið hér í gönguhópum, sérstaklega á vegum Ferðafélags Íslands.

Jónas segir að allt hafi gengið sinn vanagang á Hornströndum í ár. „Allir hafa ferið heim með bros á vör."

gunnar@bb.is

mišvikudagurinn 4. jślķ 2012

Krefjast skżringa į faržegaskatti

bb.is | 04.07.2012 | 11:23
Forsvarsmenn ferðaþjónustufyrirtækisins Sjóferða Hafsteins og Kiddýjar á Ísafirði hafa farið fram á málefnalega skýringu frá bæjarráði Ísafjarðarbæjar á farþegaskatti sem fyrirtækinu er gert að greiða. Í bréfi frá fyrirtækisins til bæjarráðs er beðið um skrifleg svör við því hvort til sé lagaleg stoð fyrir framangreindum farþegaskatti, hvort um sé að ræða beinar skatttekjur eða þjónustugjald. Sé um þjónustugjald að ræða, óskar fyrirtækið eftir því að sjá sundurgreind útgjöld Ísafjarðarhafnar vegna þjónustu við fyrirtækið. Einnig vill fyrirtækið fá svör við því hvort sambærilegir þjónustuaðilar séu krafðir um sama gjald sem og einkaaðilar.

Í bréfi Sjóferða Hafsteins og Kiddýjar segir m.a. að á hverju ári séu settar nýjar álögur á rekstur farþegabáta, jafnt af opinberum aðilum sem einkaaðilum. Nú þegar greiðir fyrirtækið hafnargjöld upp á tæpa eina milljón króna.

gunnar@bb.is

Eldri fęrslur
Vefumsjón